Një ngjarje e rëndë ka ndodhur mbrëmjen e kësaj të premte në qytetin e Elbasanit. Një 61 vjecar ka humbur jetën tragjikisht, për shkak se ka rrëshqitur në rrugë në mënyrë aksidentale. Ngjarja e rëndë është regjistruar në orën 21:06 në lagjen 28 Nëntori. 61 vjecari është dërguar menjëherë në spital ndërsa ka ndëruar jetë në urgjencën e spitalit të Elbasanit. Viktima ka qenë duke hedhur mbeturinat tek koshi i plehrave, ndërsa dyshimet e para të policisë janë së 61 vjecari mund të ketë rrëshqitur nga ngrica që ka pushtuar disa zona të vendit ditët e fundit. Ajo që duhet të ishte një procedurë rutinë e përditshme, ka përfunduar tragjikisht mbrëmjen e kësaj të premteje për 61 vjecarin në Elbasan. Sic dihet temperaturat e ulëta kanë pushtuar vendin dy ditët e fundit, ndërsa pritet që e njëjta situatë të jetë edhe në ditët në vazhdim.