Edhe këtë të martë sërish janë shënuar 7 viktima si pasojë e Covid 19. Ministria e Shëndetësisë bëri me dije se viktimat janë 5 qytetarë nga Tirana të moshave 67-79 vjeç, 1 qytetar 64 vjeç nga Durrësi dhe një qyterar 64 vjeç nga Berati. Ndërsa ka një rritje të rasteve të reja, në krahasim me një ditë më parë. Ndryshe nga e hëna ku pati 451 raste të reja, këtë të martë janë regjistruar 872 raste, nga 5 mijë e 175 testime të kryera. Tirana vijon të jetë qarku më i infektuar ku vetëm në 24 orë janë shënuar 272 raste. E ndjekur nga Shkodra dhe Fieri me 70 raste, vlora me 60 raste dhe më pak raste në qarqet e tjera. Po gjatë 24 orëve të fundit janë shëruar 820 pacientë, duke e cuar numrin e të shëruarve në 148 mijë e 937 që nga fillimi i epidemisë në vend. Aktualisht në Spitalet covid 224 pacientë, po marrin trajtim mjekësore, nga të cilët 19 janë në gjendje më të rënduar. Ndërkohë, 12 mijë e 745 pacientë janë të infektuar me Covid 19 në të gjithë vendin.