Gjatë gjithë dëshmisë së Venturës, prokurorët duket se po përpiqen të paraqesin një pamje të përfshirjes së Combs në shantazh dhe natyrën e supozuar jo konsensuale të seancave të çuditshme. Këto ishin takimet në të cilat një eskortë e paguar kreu marrëdhënie seksuale me Venturën, të cilat ajo thotë se Diddy i pa, i drejtoi dhe i regjistroi. Cassie thotë se Combs do ta kërcënonte se do të publikonte video të saj ndërsa ishte e dehur dhe gjatë skenave të çmendura nëse ajo e mërziste. Ajo ishte e shqetësuar për pasojat në karrierën dhe familjen e saj. «Do të më duhej t’i përgjigjesha nënës sime», tha ajo para trupit gjykues, duke shtuar se videot e bwnin tw dukej si njw e pwrdalw. Në një grup mesazhesh me tekst të parë nga gjykata, Ventura i kërkon Diddyt të fshijë videot nga telefoni i tij. Ai përgjigjet se i ka fshirë dhe se ato nuk janë as në iCloud. Cassie dëshmon se pa shumë video që nuk u fshinë, pavarësisht asaj që ai i tha.