Presidenti amerikan Donald Trump tha të premten se do të donte të takohej me Presidentin rus Vladimir Putin "sa më shpejt që të mundej ", gjatë një tryeze të rrumbullakët biznesi në Abu Dhabi. "Sa më shpejt që të mund ta caktojmë, unë do të largohesha nga këtu dhe do të shkoja", tha Trump duke iu përgjigjur një pyetjeje në lidhje me takimin me udhëheqësin rus. Trump ka thënë se ishte i gatshëm të udhëtonte për në Turqi për t'u bashkuar me bisedimet e para të drejtpërdrejta ruso-ukrainase për paqe në më shumë se tre vjet, duke këmbëngulur se "asgjë nuk do të ndodhë" para se ai të takohet ballë për ballë me presidentin rus. Presidenti i Ukrainës Volodymyr Zelensky udhëtoi për në Turqi, por tha se nuk do të merrte pjesë në bisedime, pasi homologu i tij rus refuzoi thirrjet e tij për negociata ballë për ballë. Zelensky e kishte sfiduar Putinin të merrte pjesë në takim dhe të negocionte drejtpërdrejt për të provuar se ishte serioz për paqen.