Ne qarkun Elbasan gjatë orëve të mbrëmjes së djeshme ka pasur reshje dëbore në zonat malore. Në zonat malore të Librazhdit si Stebleva trashësia ka arritur nga 10-15cm. Ndërsa në Qafë Thanë trashësia ka arritur deri 10 cm. Në pjesën tjetër të qarkut ka pasur pjesërisht reshje të dobëta shiu. Akset e prekura nga bora janë Elbasan - Qafë Thanë, në Qafë Thanë dhe aksin Librazhd-Sterblevë ku nga Klenja në Zgosh qarkullimi kryhet me zinxhirë. Nga firmat kontraktuese janë marrë masat për normalizimin e situatës duke përdorur kripë e skorie. Qarkullimi nuk është ndërprerë në këto akse dhe vijon normalisht. Probleme me furnzimin me energji ka pasur në disa fshatra në Prrenjas si: Rrajcë, Qukës si dhe një linjë e cila furnizon fshatin Lin në Pogradec dhe zonën e Mokrës. Nga ana e OSHEE po punohet për riparimin e defekteve.