Liderët fetarë dhe politikë të bosnjës kanë kritikuar ashpër kryeministrin Hungarez Viktor Orban, të akuzuar se ka fyer popullatën myslimane të vendit ballkanik. Ajo që ka shkaktuar incidentin ka qenë një deklaratë e Orban, e lëshuar nga zëdhënësi dhe sekretari i shtetit për komunikimin, Zoltan Kovacs. “Sfida me Bosnjen është si të integrosh në evropë një vend me dy milionë myslimanë”, ka thënë Orban në një konferencë për shtyp, i cituar nga Kovacs.Gjatë takimit të gjatë me shtypin, kryeministri Hungarez kishte folur për ballkanin duke pohuar se rajoni nuk mund të stabilizohet pa serbët, pa bosnjen, dhe bosnja nuk mund të stabilizohet pa serbo-boshnjakët. Celësi i ballkanit është kombi serb, ka thënë lideri hungarez. Anëtari boshnjak i presidencës tre palëshe boshnjake, Shefik Xhaferrovic, e ka quajtur të turpshme deklaratën e Oreban mbi vështirësinë e integrimit të Bosnjes, për faj të popullatës së saj të besimit islam, ndërsa kreu i komunitetit islamik në vend, Hysen Kavazovic, ka folur për deklarata ksenofobe dhe raciste. Ndërkohë, një parti e të majtës, ka kërkuar që Orban ti ndalohet hyrja në Sarajevë, që pritet të kryejë një vizitë zyrtare në janar.