Ka përfunduar shqyrtimi i materialeve zgjedhore për 24 kutitë e votimit të qarkut të Beratit, pas kërkesës së depozituar LSI që kërkonin pavlefshmëri në gjithë qarkun e Beratit. Në 4 prej tyre kutive të hapura ka pasur mungesë të dokumentacioneve, ndërkohë vendimi nga KAS pritet të merret të mërkurën, pasi përfaqësuesit e subjekteve kanë kërkuar kohë për shqyrtimin e procesverbaleve. Nga kqyrja e materialeve për Qendrën e Votimit 3275, KZAZ 65 rezulton se ka pasur një tentativë për votim të dyfishtë dhe mungon raporti i mbylljes së pajisjes së identifikimit elektronik. Ndërsa për kutinë e Qendrës së Votimit 3431, KZAZ 66 rezulton se raporti i i mbylljes së pajisjes së identifikimit elektronik mungon. Ndërsa për kutinë e QV 3446, KZAZ 66 rezulton se nuk gjendet në kuti manuali zgjedhor, procesverbali nga QV për kalimin në proces të votimit manual. Në një tjetër QV ku u konstatuan probleme 3445, rezulton se mungon raporti i hapjes dhe i mbylljes së procesit së pajisjes së identifikimit elektronik. Hapja e kutive u realizua për të marrë në cilësinë e provës së materialeve zgjedhore procesverbalet e votimit, raportin e pajisjes së identifikimit elektronik dhe regjistrin e zgjedhësve me nënshkrimet. KAS i ka lënë kohë deri të mërkurën subjekteve zgjedhore për shqyrtimin e procesverbaleve të mbajtura nga administrata e KQZ për qarkun e Beratit. KAS do të mblidhet të marttën për të shqyrtuar ankimimin për Gjirokastrën, ndërsa pritet të nisë shqyrtimi edhe për qarkun e Vlorës. Për qarkun e Gjirokastrës, nga rezultatet e procesit të kryqëzimit të të dhënave daktiloskopike rezulton se janë 73 raste të dyshimta në 21 qendra votimi: -2 raste ku i njëjti person është identifikuar dy herë,t në dy QV të ndryshme, -12 shenja gishtërinjsh të përdorura si nënshkrim biometrik për identifikimin e 70 zgjedhësve. Ndërsa për qarkun e Beratit janë identifikuar 57 raste të dyshimta: -2 raste ku i njëjti person është identifikuar dy herë, përkatësisht në dy QV të ndryshme, -19 shenja gishtërinjsh (secila shenjë është unike) të përdorura si nënshkrim biometrik për identifikimin e 53 zgjedhësve. Elvis Cefa relator i këtyre ankimimeve dha detajet e vendimmarrjes së KAS. Në kushtet kur e humbi mandatin për vetëm 77 vota, LSI i kërkoi KAS pavlefshmërinë e zgjedhjeve në 24 qendra votimi qarku Berat e si pasojë përsëritjen e zgjedhjeve. Ndërsa PD kërkoi nga KAS, marrjen e provave shtesë nga SPAK, gjë që nuk u morn ë konsideratë nga KAS.