Garda e Republikës merr në mbrojtje ambasadorin e Bashkimit Europian në Tiranë Luigi Soreca. Nuk bëhet fjalë për ndonjë kërcënim, por për një procedurë normale. Vendimi i qeverisë është botuar këtë të enjte në Fletoren zyrtare, ndërsa është propozuar nga ministri i brendshëm. Tashmë në listën e pesonaliteteve dhe objekteve të tjera që ruhen dhe mbrohen nga Garda e Republikës te jetë edhe ambasadori i Bashkimit Europian në vendin tonë. Sipas vendimit me numër 375 të datës 23 qershor, edhe objektet ku akomodohet dhe ushtron veprimtarinë ambasadori i BE, do të ruhen nga Garda e Republikës. Sipas vendimit, ngarkohen Ministria e Brendshme dhe Garda e Republikës për zbatimin e këtij vendimi.