Tre astronautë nga Rusia dhe SHBA u kthyen në Tokë të hënën pasi u larguan nga Stacioni Ndërkombëtar Hapësinor. Të hënën, rusët Oleg Kononenko dhe Nikolai Chub së bashku me amerikanen Tracy Dyson mbërritën në tokë në bordin e një kapsule që u ul në stepat e Kazakistanit, afërsisht tre orë e gjysmë pas shkëputjes nga stacioni. Kononenko dhe Chub mbërritën në Stacionin Ndërkombëtar të Hapësirës më 15 shtator 2023 dhe të premten thyen rekordin për qëndrimin më të gjatë të vazhdueshëm në ISS. Dyson, në misionin e saj të tretë në hapësirë, kaloi ndërkohë gjashtë muaj në stacion. Tetë astronautë janë ende në stacionin hapësinor, duke përfshirë amerikanët Butch Ëilmore dhe Suni Ëilliams, kthimi i të cilëve në Tokë është vonuar shumë përtej planit fillestar. Ata mbërritën në qershor si ekuipazhi inaugurues në bordin e kapsulës së re Starliner të Boeing, por misioni i tyre u përball me pengesa për shkak të keqfunksionimit të shtytësit dhe rrjedhjeve të heliumit. NASA përfundimisht vendosi se ishte shumë e rrezikshme për t'i rikthyer ata në Starliner. Ëilmore dhe Ëilliams do të kthehen në Tokë me një anije SpaceX vitin e ardhshëm.