Turqia dhe polonia kanë nënshkruar një marrëveshje për blerjen e dronëve luftarakë turq, cka e bën poloninë të parin anëtar të NATOs dhe Bashkimit Evropian që blen mjetet ajrore pa pilot Bayraktar TB2. Marrëveshja u nënshkrua nga presidenti polak Andrzej Duda, që është në një vizitë tre ditore në Turqi, dhe homologu i tij turk Recep Tayip Erdogan. Sipas marrëveshjes, Polonia do të marrë 24 dronë të armatosur, stacione të kontrollit në terren dhe terminale të dhënash. Droni i parë pritet ti dorëzohet polonisë vitin e ardhshëm. Ne jemi një nga vendet më të mira për sa i takon dronëve, Ne jemi shumë të kënaqur që e ndajmë eksperiencën, aftësinë dhe potencialin tonë me aleaten e NATO-s, Poloninë. Me dokumentin e sapo nënshkruar, Turqia për të parën herë në histori do të eksportojë mjete të tilla në një vend që është anëtar i NATO-s dhe i BE-së. Më herët, turqia i ka shitur dronë azerbajxhanit, ukrainës dhe Katarit. Dronët Bajraktar TB2, luajtën një rol të rëndësishëm në fitoren e azerbajxhanit mbi armeninë gjatë konfliktit për Nagorni Karabakun, vitin e shkuar. Turqia dihet ndërkohë se i përdor dronët në operacionet ndër kufitare kundër militantëve kurdë në siri dhe irak.