Nga Asambleja Socialiste e Ndroqit, kryetari I bashkisë së kryeqytetit, Erion Veliaj, njëherësh edhe drejtues politik i Partisë Socialiste për Tiranënka thumbuar kreun e Partisë Demokratike, Lulzim Bashën. Veliaj tha se Partia Socialiste është ekipi i vetëm që punon çdo ditë për Shqipërinë dhe se ka vetëm një plan, t’u shërbejë qytetarëve. “Nëse ti nuk beson tek Shqipëria, nëse ti lë shtetësinë, nëse familja jote ka një plan B, nëse dy valixhe janë tashmë të paketuara për të shkuar në Hollandë, ne kemi vetëm një plan: plani A, B, C..., Zh, plani ynë është Shqipëria, Tirana, Ndroqi, familja jonë. Ne jemi një ekip serioz! Kapiteni ynë, Edi Rama, është njëri serioz, përveshim seriozisht mëngët për këtë betejë, se nuk kemi një atdhe të dytë, ne nuk kemi një plan B”, u shpreh Veliaj. Nga ana tjetër, ai tha se përkundër politikës së përçarjes, PS punon për të gjithë, të majtë e të djathtë, ndaj ftoi që të bashkohen pvrësisht siglës së partisë këdo që do të jetë me skuadrën fituese. Duke e quajtur Partinë Demokratike skuadër humbëse, nga e cila të gjithë detyrohen të ikin, Veliaj shtoi se kjo është prova që ata nuk qeverisin dot as shtëpinë e tyre.