Drejtuesi politik i PS për qarkun e Tiranës Erjon Veliaj ka nisur takimet për fushatën zgjedhore nga njësia 5 në Tiranë, ku u prezantua kandidati I zonës Pandemi Majko. Veliaj tha se Partia Socialiste do të zhvillojë një fushatë qytetare, gjë që e tregoi edhe në çeljen e saj, ndryshe nga opozita që nuk kujdeset për shëndetin e njerëzve, por organizon festa covdi. “Ne do i respektojmë të gjitha rregullat dhe protokollin sepse besoj se duke u kujdesur për shëndetin, japim edhe një mesazh të fortë, se në qoftë se politika nuk kujdeset për shëndetin, por organizon festa Covidi, atëherë do të thotë se kemi çeduar tek misioni ynë, që është t’i shërbejmë qytetit dhe shëndetit të çdo qytetari. Kur krahason se me çfarë pamë te sheshi “Nënë Tereza”, një parking-miting, më dukej si një varrezë makinash ose ato që shesin buzë rrugës, edhe mendova, sa pak gjëra kanë ndryshuar që nga ’96 për atë pjesë të politikës, edhe sa shumë gjëra kanë ndryshuar për ne, që prapë vazhdojmë të ndryshojmë dhe kërkojmë të sjellim më shumë ndryshime”, Veliaj gjatë takimit lexoi pyetjet e qytetarëve drejtuar kandidatit për deputet Pandeli Majko, duke ritheksuar se kjo fushatë do jetë digjitale, në respektim të rregullave të vendosura në kuadër të Covid 19. I pyetur për mënyrën e hapjes së fushatës së Partisë Demokratike në kundërshtim me çdo rregull të vendosur, Majko theksoi se ata treguan veten e tyre.