Tirana priti me spektakël fishekzjarresh e Koncert ndërrimin e viteve, në prani të të parit të kryeqytetit, Erion Veliaj. Veliaj këtë vit e nisi urimin duke falenderuar të gjithë ata që punojnë çdo ditë për të çuar përpara qytetin e Tiranës. “Dua që këtë vit, që ka qenë një vit i jashtëzakonshëm i rimëkëmbjes, t’i dedikoj një falënderim të gjithë atyre që punojnë për qytetin, policinë, zjarrfikësen, ambulancat, doktorët, elektriçistët. Të gjithë ata që e mbajnë qytetin tonë në këmbë. Qyteti jonë funksionon si një skuadër. Ndaj, si një familje e madhe, kjo skuadër çdo ditë punon që ta çojë Tiranën më larg. Vjet ne ishim Kryeqyteti Europian i Rinisë dhe më vjen mirë që mijëra aktivitete për çunat dhe gocat e rinjtë të Tiranës u organizuan cep e më cep Këtë vit Tirana ishte qyteti Europian i Sportit. Ndaj dua të falënderoj të gjithë ata prindër që dedikuan kohë për të çuar fëmijët e tyre të merren me sport, me aktivitete të shëndetshëm, për t’u siguruar që qyteti jonë është fit, dhe për t‘u siguruar që qyteti jonë është një skuadër.” Nga ana tjetër duke prekur sfidat e kaluara në vitet e kaluara, që ng tërmeti tek pandemia, theksoi se kryeqyteti shqiptar do të kthehet sërish në vëmendjen ndërkombëtare.