Kanë përfunduar në tragjedi pushimet e një familjeje nga palermo e italisë në detin e kuq. Një fëmijë gjashtë vjec ka humbur jetën dhe babai i tij është i shtruar në spital, në gjendje të rëndë, për shkak të një helmimi të dyshuar nga ushqimi. Antonio Mirabile, 46 vjec, bashkëshortja e tij shtatzënë dhe djali 6 vjecar Andrea ishin për pushime në një resort në Sharm el Sheik, kur të premten janë ndjerë keq. Fëmija dhe babai, në gjendje më të rëndë, nëna me simptoma më të lehta. Ata kishin mbërritur atje më 26 qershor dhe duhej të qëndronin për dy javë. Të afërmit tregojnë se kishin muaj që i planifikonin këto pushime. Pasi kishin filluar të ndjeheshin keq, prindërit e andreas kishin vendosur të shkonin në spital ku kishin marrë një serum dhe disa pilula për tu kuruar nga helmimi. Gjendja e andreas të vogël vazhdoi të përkeqësohej dhe të shtunën u thirr ambulanca. Vogëlushi nuk mundi të mbijetonte pavarësisht përpjekjeve të mjekëve. Autoritetet egjiptiane kanë nisur një hetim për rastin ndërkohë që në resort nuk janë raportuar raste të tjera të ngjashme.