Çështja e sigurimit dhe fillimit të vaksinimit kundër covid 19, mbetet preokupimi kryesor i qeverive dhe vendeve në këtë periudhë të vështirë të pandemisë. Në një takim online me komsiionerin për zgjerimin dhe Fqinjësinë ne BE, ministri në detyrë per Europën dhe punët e jashtmë Gent Cakaj ka diskutuar mbi mundësinë që kanë vendet e Ballkanit Perëndimor për të siguruar vaksinën kundër COVID-19, në të njëjtën kohë si vendet e bllokut. Përmes një reagimi në Facebook lidhur me takimin e zhvilluar, Cakaj bëri me dije se Komisionerit ju kërkua që politika e vaksinimit e BE-së të zbatohet njëherazi edhe në Shqipëri. “Në këto rrethana jashtëzakonisht të vështira, ky do të ishte shembull i jashtëzakonshëm i solidaritetit mes vendeve të Ballkanit Perëndimor dhe BE-së”, - përfundoi Cakaj reagimin e tij. Bashkimi Europian ka konfirmuar se vaksinimi kundër Covid 19 në të gjitha vendet anëtare, do të fillojë në 27 dhjetor.