Italia po mundohet të shtojë sa më shumë numrin e të vaksinuarve në vend, ku nuk mungojnë fushatat për të sensibilizuar veçanërisht të rinjtë me skeptikë. Por, si paradoks, ka mijëra, të vaksinuar që mund të jenë përjashtuar në pjesën më të madhe të jetës sociale, dhe ky mund të shndërrohet në një problem jo të vogël për t’u menaxhuar. Nga mediat raportohet se në Itali vaksina ruse Sputnik nuk njihet nga Agjencia Europiane e Barnave, dhe nuk është shpërndarë në territorin zyrtar italian. Por brenda territorit gjeografik italian, ai është injektuar pothuajse në gjithë popullsinë e Republikës së San Marinos, që me vaksinën ruse ka arritur tashmë imunizimin e tufës duke vaksinuar rreth 90% të popullsisë.