Emrat e propozuar nga radhët e avokatëve për vakancat në Këshillin e Lartë Gjyqësor dhe Këshillin e Lartë të Prokurorisë nuk morën votën e opozitës, por për shkak të parashikimit ligjor, ata konsiderohen të zgjedhur si anëtarë pasi u konsumua votimi i tretë. Anëtarë u zgjodhën kandidatët Bledar Bajri dhe Albens Tabaku për Këshillin e Lartë Gjyqësor dhe Erind Mërkuri dhe Erind Gërmenji për Këshillin e Lartë të Prokurorisë. Të katër kandidatët vijnë nga një karrierë në profesionin e avokatit dhe si lektorë të jurispudencës. Ndërkohë, administratën e Kuvendit se po përpiqet që të paracaktojë fituesit e vendeve vakante nga shoqëria civile për anëtare të Këshillit të Lartë të Prokurorisë dhe të Këshillit të Lartë Gjyqësor. Në listën paraprake të kandidatëve nga shoqëria ishin gjashtë emra për dy vakanca, një në KLGj dhe një në KLP. Por, Sekretari i Përgjithshëm i Kuvendit skualifikoi katër prej tyre, duke lënë në garë dy emra për dy vakanca dhe ata janë Erjon Fejzulla dhe Violanda Theodhori. Që të dy kandidojnë për vakancën e krijuar në KLGJ, ndërsa në KLP është vetëm kandidatura e Fejzullait.