Izraeli mund të tërhiqet nga marrëveshja e armëpushimit me Hamas dhe mund të rinisë një tjetër ofensivë. Kryeministri Benjamin Netanyahu kërcënoi grupin militant pas deklaratëssë bërë më herët nga presidenti amerikan Donald Trump. Ai tha se ushtria mund të rifutet sërish në Rripin e Gazës nëse pengjet nuk lirohen brenda të shtunës. Netanyahu gjithashtu urdhëroi zyrtarët “të përgatiten për çdo skenar, raporton Asociaded Press. Hamas deklaroi të hënën se nuk do të lirojë asnjë peng deri në një njoftim të dytë. Grupi, i përcaktuar si organizatë terroriste nga Shtetet e Bashkuara dhe disa vende të tjera, akuzoi Izraelin për vonimin e kthimit të palestinezëve të zhvendosur në Gazën veriore, megjithëse tashmë qindra mijëra prej tyre janë kthyer. Sipas Hamasit, Izraeli nuk ka lejuar futjen e më shumë tendave dhe ndihmave të tjera humanitare në Gazë.