Ushtria izraelite paralajmëroi të martën njerëzit të largohen nga zona përreth aeroportit kryesor në kryeqytetin e Jemenit, Sanaa, një ditë pasi goditi portin Hodeidah në përgjigje të një rakete që Huthit lëshuan pranë qendrës kryesore ajrore të Izraelit. Tensionet janë përshkallëzuar midis Izraelit dhe Huthi-ve të Jemenit, ndërsa grupi i lidhur me Iranin vazhdon të kryejë sulme në përgjigje të zgjerimit të operacioneve të Izraelit në Gaza. "Mosevakuimi ju vendos në rrezik", tha ushtria. Ajo publikoi një hartë të zonës përreth Aeroportit Ndërkombëtar të Sanaas. Izraeli kreu sulme në afërsi të portit të Hodeidah-s në Jemen të hënën, në të cilat mbetën të vrarë katër persona dhe u plagosën 39 të tjerë, sipas ministrisë së shëndetësisë të drejtuar nga Huthi-t. Kryeministri izraelit Benjamin Netanyahu u zotua të hakmerrej pasi një raketë e lëshuar nga Huthi-t ra pranë Aeroportit Ben Gurion të Izraelit, gjë që çoi në anulimin e fluturimeve të transportuesve evropianë dhe amerikanë për disa ditë në Tel Aviv. Huthit kanë shënjestruar izraelin dhe anijet në Detin e Kuq që nga fillimi i luftës midis Izraelit dhe Hamasit në Gaza, në atë që ata e quajnë solidaritet me palestinezët.