Në Kosovë janë regjistruar edhe katër viktima nga koronavirusi. Në raportin ditor të Ministrisë së Shëndetësisë bëhet e ditur se janë shënuar 45 raste të reja me Covid 19. Rastet pozitive rezultuan pas testimit të 3 mijë e 380 mostrave. Nga njoftimi zyrtarë bëhet me dije se në 24 orët e fundit, u shëruan 298 pacientë, ndërsa numri i përgjithshëm i të shëruarve është 154 mijë e 191. Ndërkohë, 2 mijë e 928 persona jnë të infektuar në të gjithë vendin. Fushata e vaksinimit kundër koronavirusit në Kosovë ka nisur në fund të marsit. Në 24 orët e fundit janë dhënë 15 mijë e 910 doza të vaksinës kundër covid-19.Që nga fillimi i imunizimit deri më tani, janë dhënë mbi 1.3 milion vaksina. Mbi 530 mijë qytetarë janë vaksinuar plotësisht. Aktualisht, në Kosovë janë në fuqi masat që kërkojnë dëshmi të vaksinimit ose test negativ të koronavirusit për të hyrë në objekte të gastronomisë, por edhe në institucionet publike dhe private që kanë punë me palë.