Në një moment, Ukraina, do të duhet të hyjë në bisedime me Rusinë për t'i dhënë fund luftës më shumë se dyvjeçare, tha një zyrtar i lartë i inteligjencës ukrainase në një intervistë të botuar të enjten. Presidenti ukrainas Volodymyr Zelenski ka përjashtuar vazhdimisht mundësinë e bisedimeve me Kremlinin dhe një dekret që ai lëshoi pasi Rusia aneksoi zyrtarisht katër rajone të Ukrainës në vitin 2022, i konsideron negociatat "të pamundura". Por gjeneral-majori Vadym Skibitsky, zëvendës-shefi i drejtorisë së inteligjencës ushtarake të Ukrainës HUR, i tha revistës The Economist se përfundimisht do të nevojiteshin bisedime, ashtu siç ndodh në çdo luftë. "Gjenerali Skibitsky thotë se nuk sheh një mënyrë që Ukraina ta fitojë luftën e vetme në fushën e betejës. Edhe nëse do të ishte në gjendje t'i shtynte forcat ruse në kufijtë e mëparshëm, një perspektivë kjo që duket gjithnjë e më e largët, kjo nuk do t'i jepte fund luftës," shkruan revista.