Ukraina ka humbur një tjetër avion luftarak F-16 pasi një emergjencë e detyroi pilotin të hidhej me katapultë prej tij gjatë një misioni për të zmbrapsur një sulm rus. Forcat Ajrore Ukrainase raportuan rrëzimin e F-16 në një postim në Telegram. Kjo është humbja e tretë e njohur e një F-16te të Ukrainës gjatë luftës me Rusinë. Dy rastet e mëparshme janë raportuar në gusht të vitit të kaluar dhe prill të këtij viti. Në postim thuhej se komunikimi me avionin u ndërpre rreth orës 3:30 të mëngjesit sipas orës lokale të premten në mëngjes. "Sipas të dhënave paraprake, piloti shkatërroi tre objektiva ajrore dhe u angazhua me të katërtin, duke përdorur armët në bord", tha forca ajrore ukrainase. "Megjithatë, një situatë emergjente u krijua në bord. Piloti e largoi aeroplanin nga zona e banuar dhe u katapultua me sukses prej mjetit. Falë punës së shpejtë të ekipit të kërkim-shpëtimit, piloti u gjet dhe u evakuua shpejt. Gjendja e tij është e mirë, ai është në një vend të sigurt, jeta dhe shëndeti nuk janë në rrezik", konfirmoi forca ajrore ukrainase