Ministri i Jashtëm ukrainas, Dmytro Kuleba, po zhvillon një vizitë në Kinë. Me homologun e tij kinez ai do të bisedojë për mënyrat dhe rrugët për të arritur një marrëveshje për paqe në Ukrainë. Kuleba dhe homologu i tij kinez Ëang Yi ishin takuar për herë të fundit në shkurt të këtij vitit në kuadër të Konferencës së Sigurisë në Mynih. Vizita e Kulebës, në Kinë është një vizitë e pazakontë, sepse edhe pse Pekini e quan veten si neutral në luftën e Ukrainës, ai konsiderohet si aleat i Rusisë. Në faqen e tij në Instagram Kuleba shkruan se ka shkuar në Kinë "për të vendosur kontakte midis presidentit të Ukrainës, Volodymyr Zelenskyi dhe atij të Kinës, Xi Jinping. Ai sqaroi gjithashtu se programi i vizitës së tij përfshin negociata me kolegun e tij kinez Ëang Yi lidhur me mënyrat dhe rrugët për të arritur një paqe të drejtë në Ukrainë. "Ne duhet t'i shmangim planet konkurruese për paqe. Është shumë e rëndësishme që Kievi dhe Pekini të zhvillojnë një dialog të drejtpërdrejtë dhe të shkëmbejnë qëndrime e tyre," tha ministri. Kuleba synon të diskutojë me palën kineze edhe për marrëdhëniet dypalëshe. Zyra e shtypit të Ministrisë së Punëve të Jashtme të Ukrainës kishte njoftuar para nisjes se Kuleba do të qëndrojë në Kinë nga 23 deri më 25 korrik dhe vizita zhvillohet me ftesë të Ministrit të Punëve të Jashtme të Republikës Popullore të Kinës, Ëang Yi.