Gjykata e Tiranës njohu dënimin me 25 vite burg për Ilir Pajën, i njohur ndryshe me pseudonimin “Ufo” , për pasojë ai do e vuajë dënimin në Shqipëri dhe nuk do ekstradohet drejt shtetit italian. Paja është person gjërësisht i njohur për botën e krimi dhe rezulton me precedentë penalë në të paktën 3 shtetë. Në Gjermani, ai akuzohej për vrasjen e një prej bashkatdhetarëve të tij jashtë një klubi në Duisburg për larjen e hesapeve pas një zënke. Lidhur me këtë ngjarje, Paja u arrestua në vitin 2006 në Peruggia, por teksa priste procedurat e ekstradimit, u arratis me çarçafë nga çatia e burgut.