Kapsula e misionit Artemis II dhe ekuipazhi i saj prej katër anëtarësh kaloi nëpër atmosferën e Tokës dhe ra në Oqeanin Paqësor të premten pas gati 10 ditësh në hapësirë, duke përmbyllur udhëtimin e parë me njerëz përreth hënës në më shumë se gjysmë shekulli. Kapsula e quajtur Integrity, ra butësisht me parashutë në det të qetë pranë bregdetit të Kalifornisë Jugore pak pas orës 5:07 pasdite sipas Orës së Paqësorit, duke përfunduar një mision që katër ditë më parë i çoi astronautët më shumë se 400 mijë km larg tokës, më thellë në hapësirë sesa kushdo tjetër më parë. Ky ishte fluturimi i parë provë me ekuipazh në një seri misionesh Artemis që synojnë të rikthejnë astronautët në sipërfaqen hënore duke filluar nga viti 2028.