Thashethemet se Jennifer Aniston dhe Brad Pitt janë lidhur përsëri janë të shumta sidomos që pas ndarjes së aktorit nga Angelina Jolie. Aniston u bashkua publikisht me ish-bashkëshortin në shtator për një tryezë virtuale në “Fast Times at Ridgemont High”. Por së fundmi, Aniston ka dhënë një intervistë ku është shprehur se ata janë thjesht miq me njëri-tjetrin. “Brad dhe unë jemi shokë, ne jemi miq … Dhe ne flasim,” tha ajo. Ndërsa për takimin virtual mes tyre, Aniston tha se ishte një eksperiencë absolutisht argëtuese dhe se për të nuk ka asgjë të çuditshme. Pas bashkimit të tyre virtual, të dy u panë duke përshëndetur njëri-tjetrin në tapetin e kuq në “Screen Actors Guild Awards” në Janar. Kujtojmë që Pitt pas një betejë të gjatë ligjore me Angelina arriti të fitonte kujdestarinë e përbashkët të fëmijëve të tij.