Gjykata administrative vendosi këtë të martë të rrëzojë vendimin e një viti më parë për shkarkimin nga detyra të Alban Dokushit, në atë kohë Sekretar I Përgjithshëm i komanduar dhe Drejtor i Përgjithshëm juridik në Bashkinë e Tiranës. Shkarkimi i Dokushit ndodhi një muaj pas arrestimit të kryebashkiakut Erion Veliaj, kur drejtimi i Bashkisë i ishte besuar nënkryetares Anuela Ristani. Por më 18 mars 2025 Veliaj, firmosi nga qelia largimin e Ristanit, duke ia deleguar detyrën Sara Goxhajt. Veliaj u tërhoq menjëherë më pas duke e argumentuar situatën si një keqkuptim për shkak të mungesës së informacionin duke qenë se ndodhet në kishte izolimi. Rikthimi në detyrë i Ristanit, u pasua me shkarkimin e Dokushit, të cilin Gjykata tanimë, ka vlerësuar se është kryer në kundërshtim flagrant me ligjin. I pyetu nga Top Neës, Dokushi tha se vendimi i Gjykatës Administrative për rikthimin e tij të menjëhershëm në detyrë është edhe rrjedhojë logjike e vendimit të Gjykatës Kushtetuese, që riktheu në detyrë kryetarin e zgjedhur të Bashkisë, Erion Veliaj. Në këtë këndvështrim, vijoi ai, gjykatat kanë korrigjuar dhe prapësuar shkeljet e rënda ligjore, të kryera në përpjekje për largimin në kundërshtim me ligjin të drejtuesve politikë dhe administrativë të Bashkisë Tiranë.