Jennifer Aniston është një prej aktoreve më të njohura në mbarë botës, falë suksesit të saj që pati me serialin “Friends”. Duke qenë se ka një sukses të jashtëzakonshëm në kinematografi, aktorja gjithmonë është përfolur për jetën e saj private, veçanërisht për dashurinë që ajo ka për fëmijët. Në një intervistë ekskluzive për “People”, Jennifer është shprehur se edhe familja e saj e pyeste vazhdimisht për fëmijë e për këtë arsye u detyrua të drejtohej tek një terapistë për ndihmë. Përgjatë viteve të fundit, shumë media të ndryshme kanë aluduar vazhdimisht për shtatzëni të mundshme të aktores, madje disa herë është thënë se ajo është në pritje të binjakëve. Që pas ndarjes së saj nga Justin Theroux, aktorja nuk ka pasur marrëdhënie dashurie me askënd, ndonëse shpesh herë është përfolur që ajo ka pasur një ribashkim me Brad Pitt, pas ndarjes së tij nga Angelina Jolie.