Këngëtarit Shpat Kasapi do t’I jepet lamtumira e fundit të dielën në Tetovë, ku dhe do të prehet. Në nderim të kujtimi të tij, në Tetovë do të mbahen dhe homazhet në Pallatin e Kulturës para se ti jepet lamturmira. Homazhet do të nisin në orën 12:00 ndërsa përcjellja për në banesën e fundit do të bëhet në orën 14:00, kanë njoftuar familjarët e këngëtarit përmes një postimi në rrjetet sociale “Të gjithë ata që dëshirojnë t’i japin lamtumirën e fundit Shpatit tonë të dashur janë të mirëpritur të marrin pjesë në ceremoninë e tij. Homazhet do të mbahen të dielën, 30.11.2025, në orën 12:00, në Pallatin e Kulturës në Tetovë. Varrimi: në orën 14:00, në varrezat e qytetit të Tetovës”. thuhet në njoftim. Artisti Shpat Kasapi vdiq nga arresti kardiak. Ai do të mbahet mend gjatë nga publiku mbarë shiqptarë për hitet e tij por jo vetëm.