Ernejt Shyti nuk e humbi toruan pas ekzekutimit të Behar Sofisë me dy plumba në qender të Tiranës, në një vend shumë pranë Piramidës i cili është mjaft i rrahur nga kalimtarët. Që të mos ngrinte dyshime mbi lëvizjet e tij, 24 vjecari është hequr si invalid dhe beri sikur calonte. Duket se cdo gjë ka qenë e përgatitur më së miri. I sigurtë në veprimet e tij, pasi qëlloi për vdekje 66 vjecarin, Shyti tentoi te krijonte pershtypjen se ishte një person me probleme fizike e kështu do të spostonte vëmendjen. Më tej, lëviz me hapa të rregullt dhe të shpejtë, merr bicikletën e largohet. E gjithë kjo është zbardhur nga filmimet e kamerave të sigurisë. I riu është regjistruar nga një kamera e ETC-së, me një xhup të zi e kapuc në kokë. Sapo viktima kalon vizat e bardha, ai e ndjek nga pas në trotuarin, buzë lumit të Lanës. Duart i kishte në xhepa. Gjatë kësaj shihet duke caluar, ndërsa në fytyrë mban dhe një maskë anticovid. Pikërisht gjetja e maskës, rrobave që kishte veshur në ato momente, si dhe një celulari në zonën e Fakultetit Ekonimik në Tiranë, ndihmuan ndjeshëm në zbardhjen e identitetit të tij, falë edhe analizave të ADN-së.