Policia zbardhi ngjarjen e ndodhur pasditen e të shtunës në Pogradec, ku u gjet I pajetë në rrugë 42-vjeçari Egli Proga. Sipas uniformave blu vdekja nuk ishte aksidentale pasi viktima u dhunua dhe për shkak të plagëve të marra nuk mundi të mbijetojë. Si autor I dhyshuar I ngjarjes u arrestua 29-vjeçar Denis Meçe. Ndërsa u proceduan penalisht tre të tjerë për ‘Moskalëzim krimi’ dhe “Veprime që pengojnë zbulimin e së vërtetës".. Ngjarja ndodhi në afërsi të një lokali të qytetit liqenor, ku viktima dhe autori u konfliktuan fizikisht pas një debati që patën. Pasi u dhunua fizikisht, Egli Proga hyri brenda lokalit dhe pasi doli u rrëzua në tokë pa ndjenja. Ai ndërroi jetë pasi u transportua në spitalin e Pogradecit, për shkak të hemorragjisë që pësoi nga dhuna e ushtruar. Autori u largua me shpejtësi por u prangos pak minuta më pas. 29-vjeçari akuzohet për veprën penale “Vrasja me dashje”. Ndërkohë po punohet për zbardhjen e plotë të shkakut që çoi dy personat që të përfshiheshin në konflikt