Familja e Fatos Kasës në Bërzhitë do ta festojë Vitin e Ri në banesën e re, të rindërtuar, pas demtimeve qe pesoi nga tërmeti i 26 nëntorit. Kreu i Bashkisë së Tiranës, Veliaj siguroi të gjitha familjet e tjera, të prekura nga tërmeti, se është vetëm çështje kohe sa edhe ato të marrin çelësat e shtëpisë në dorë. “Kur vjen tërmeti dhe investimin e jetës na e merr fatkeqësia natyrore, të cilën s’e ka në dorë as shteti, as qeveria, jemi të gjithë të dobët. Por, çështja është a na bëhet qeveria dhe shteti shok e mik, për t’u ngritur prapë më të fortë. Sot themi po! Do të bëjmë edhe shtëpitë e tjera, do të sigurohemi që të dalim faqebardhë nga kjo histori. Shumë vetë mundohen ta politizojnë dhe ta bëjnë me sherr këtë punë. Kjo kohë është një betejë që do na bëjë të gjithëve bashkë. Shumë njerëz ndoshta, nuk e kuptojnë se nuk është vetëm punë llaç e tulla. .... Kryebashkiaku shtoi se përkundër partive të zhurmshme që përpiqen të pengojnë procesin, shumica e njerëzve sheh përpara. “Ne s’kemi luftë me njëri-tjetrin, ne kemi luftë me pandeminë. Prandaj, kryeministri nuk erdhi dot sot sepse është me një mision në Amerikë për të diskutuar me ata që e prodhojnë vaksinën, që të sigurohemi që jemi ndër të parët që e marrim. Ne jemi në luftë me pasojat e tërmetit, jo me njëri-tjetrin. Po të kuptojmë këtë, jemi realisht shqiptarë dhe patriotë, dhe patriotizmi më i madh..... Kryebashkiaku beri te ditur se Zona e Bërzhites është kthyer në kantier ndërtimi për rindërtimin e banesave të tërmetit, ndërkohë që puna po vijon edhe në zona të tjera të kryeqytetit.