Në vazhdën e turit të falenderimeve dhe mirënjohjeve për të gjithë qytetarët të cilët kontribuan me votë për Partinë Socialiste në zgjedhjet vendore të 14 majit, kryeministri Edi Rama këtë të hënë u ndal në Lushnje dhe Fier. Në të dyja qytetet, numri një i socialistëve, falenderoi qytetarët që edhe këtë vit e votëbesuan, duke i ngarkuar atij dhe të gjithë kryetarëve të bashkieve shumë përgjegjësi për të vazhduar përpara me punët. Nga Lushnja, Rama u tha socialistëve se nuk duhet të lejojnë një dru të shtrembër që të cënojë krenarinë e partisë. Shefi i qeverisë nuk la pa përmendur edhe Kadastrën, të cilin ai e cilësoi si turp, duke thënë se shumë shpejt dyert e Agjencisë shtetrore të Kadastrës do të mbyllen dhe se shërbimet do të kthehen të gjitha online. Kryeministri u shpreh se këtë muaj, qeveria do të prezantojë këtë transformim, i cili do të lehtësojë barrën e qytetarëe.