Lideri i grupit rus të mercenarëve, Ëagner, Jevgeni Prigozhin, akuzon një njësi të ushtrisë ruse se ka braktisur pozicionet e saj afër Bakhmutit, në ukrainën lindore, që tani është në epiqendër të luftimeve. Sot, një nga njësitë e ministrisë së mbrojtjes, braktisi pozicionet dhe u largua nga krahu jonë. Ata të gjithë vrapuan të frikësuar dhe braktisën një front prej afro dy kilometrash të gjerë dhe 500 metrash thellësi. Sidoqoftë ne mundëm ta bllokonim sërish në një farë mënyre Prigozhin, të martën bëri edhe një koment të koduar për ata që janë në krye të luftës së rusisë në Ukrainë që rrezikon ta fusë atë më shumë në telashe me Kremlinin. Në një mesazh tjetër audio, për municionet e munguara për luftëtarët e tij të Vagnerit, Prigozhin iu referua një figure që ai e quajti ‘një gjysh të lumtur’, që sipas tij mendonte se gjithcka shkonte mirë me fushatën ushtarake që moska e quan operacion të posacëm ushtarak. Prigozhin i bëri komentet duke iu referuar asaj që ai tha se ishte një refuzim i vazhdueshëm i ministrisë së mbrojtjes për të furnizuar luftëtarët e tij me municionet që u nevojiten për të marrë kontrollin e plotë të Bakhmutit. Ministria ruse e mbrojtjes ka thënë se po punon për të siguruar që të gjitha njësitë në fushëbetejë të kenë cka ju nevojitet, por duket se municionet po vonojnë.