Nju Orlinsi ishte nën rrethim gjatë natës së super boëlit, për shkak të pranisë së presidentit Donald Trump në tribunë. Përtej rezultatit sportiv, vëmendja më e madhe gjatë eventit sportiv më të ndjekur në botë, ishte pikërisht prania për herë të parë e presidentit Trump, që u bë presidenti i parë në detyrë që merr pjesë në një Super Boël. Sidoqoftë, trump u largua shpejt nga stadiumi. Ai kishte bërë disa postime më herët në rrjetet sociale, duke treguar për pjesmarrjen e tij në event, por pa zbuluar se për kë bënte tifo. Në fakt, Trump dhe liga kombëtare e futbollit, kanë një histori të gjatë. Dikur ai ka qenë pronar i USFL-së, një ligë tashmë e zhdukur që u përpoq të sfidonte NFL-në. Për më tepër, Trump ka bërë vite më parë edhe një ofertë për të blerë Buffalo Bills. Në mandatin e tij të parë, ai kritikoi ashpër lojtarët e NFL-së që u gjunjëzuan gjatë himnit kombëtar në shenjë proteste ndaj përdorimit të tepruar të forcës nga policia. Dhe së fundmi ai kritikoi ndryshimet e rregullave për të minimizuar rrezikun e lëndimit. Ndërkohë, nga tribuna, Trump sulmoi edhe këngëtaren e famshme Taylor Sëift, që në fushatë zgjedhore mbështeti Kamala Harris. Sëift, e fejuar me një nga lojtarët e Chiefs-save, Travis Kelce, nuk u prit mirë në tribunë, ndërsa Trump u prit me brohorima.