Presidenti amerikan, Donald Trump deklaroi se do të preferonte të mos marrë pjesë në takimin mes Putinit dhe Zelenskyt, për të parë nëse ata të dy do të bahskëpunojnë me njëri-tjetrin apo jo. Deklaratat kreu I Shtëpisë së Bardhë I bëri para gazetarëve të premten duke theksuar se do të vendosë për pozicionin e tij sa i përket luftës në shkallë të plotë të Rusisë kundër Ukrainës në dy javët e ardhshme dhe sërish paralajmëroi se mund të vendosë sanksione kundër Rusisë. Ai tha se dëshiron të shohë nëse presidenti rus, Vladimir Putin, dhe ai ukrainas, Volodymyr Zelensky, do të takohen fillimisht, para se të marrë vendimin. “Mendoj se do ta di. Mendoj se do ta di sjelljen e Rusisë, dhe sinqerisht, edhe të Ukrainës. Do të marr vendim se çfarë do të bëjmë dhe do të jetë një vendim shumë i rëndësishëm. Ose do të jenë sanksione masive, tarifa masive ose të dyja. Ose nuk do të bëj asgjë dhe do t’iu them: ‘Kjo është lufta e juaj’”, deklaroi Trump I cili më herët sugjeroi se Shtëpie a Bardhë po punon për të ndërjetësuar një takim mes dy udhëheqësve, pjesë e të cilit do të ishte dhe ai. madje gjatë javës ai pati takim me Putin fillimisht në Alaska dhe më pas me Zelenskyn dhe liderët evropianë, ku në fokus ishte mbrojtja e Ukrainës por dhe arritja e një marrëveshje arëmpushimi mes dy vendeve. Më herët gjatë të premtes, Trump tha se Putini dhe Zelensky ishin si “vaji dhe uthulla” dhe nuk ishte e qartë nëse do të zhvillohej një takim trepalësh. “Do të shohim nëse do të duhet të jem aty apo jo”, tha ai.