Donald Trump ka mbajtur qëndrim të ashpër ndaj kryeministrit britanik, Keir Starmer, për rolin e këtij të fundit në sulmet e SHBA-së ndaj Iranit. Presidenti amerikan tha për “The Sun” se Keir është treguar i padobishëm, duke shprehur qartazi zhgënjimin ndaj tij. Po ashtu, ai shtoi se nuk e priste kurrë që Mbretëria e Bashkuar të kishte këtë qasje, duke theksuar se marrëdhënia mes dy vendeve nuk është sic e kishte menduar. Këto deklarata vijnë pas qëndrimit të kryeministrit britanik, i cili kundërshtoi hapur përshkallëzimin e luftës në Lindjen e Mesme, duke theksuar se Britania nuk beson se një regjim mund të ndryshojë nga qielli. Megjithatë, Mbretëria e Bashkuar i ka dorëzuar bazat e saj ushtarake SHBA-së, si “front mbrojtës” nga sulmet iraniane.