Shtetet e Bashkuara po shqyrtojnë mundësinë e zhvillimit të një avioni luftarak me dy motorë që do të njihet si F-55, si edhe një përmirësim të F-22 Raptor, të Lockheed Martin, që do të quhet F-22 Super, tha Presidenti amerikan Donald Trump. Ai foli në një takim të liderëve të biznesit në Doha, një ditë pasi njoftoi një sërë marrëveshjesh biznesi, përfshirë një porosi nga Katari për 160 avionë komercialë Boeing. Trump iu referua F-55 si një përmirësim i F-35ës së Lockheed Martin. Ai gjithashtu theksoi rolin e projektit të ri të dominimit ajror të quajtur F-47, që i është dhënë së fundmi Boeing-ut, dhe tha se Shtetet e Bashkuara po shqyrtonin njëkohësisht përmirësimin e avionit luftarak super-sekret që do të zëvendësojë, F-22. “Ne do të bëjmë një F-55, me dy motorë dhe një super përmirësim të F-35ës, dhe pastaj do të bëjmë F-22shin e ri” tha Trump.