Presidenti i SHBA-së Donald Trump ka sulmuar shtyllat kryesore të demokracisë së vendit të tij, paralajmëroi Human Rights Ëatch në raportin e saj të përvitshëm global, duke përmendur fushatën e presidentit republikan ndaj imigracionit, kërcënimet ndaj votës dhe politika të tjera. Në një hyrje të raportit, i cili shqyrton praktikat e të drejtave të njeriut në më shumë se 100 vende, kreu i grupit të shquar të të drejtave të njeriut me seli në Nju Jork u përqendrua kryesisht në SHBA në një kohë kur administrata Trump është tërhequr nga mbështetja për të drejtat e njeriut në nivel global, jo vetëm duke lavdëruar sundimtarë të njohur autokratë, por edhe duke treguar pak interes për t'i frenuar ata. Drejtori Ekzekutiv i Human Rights Ëatch, Philippe Bolopion, tha se Uashingtoni tani po ndihmonte vende si Rusia dhe Kina në minimin e të drejtave të njeriut. "Në vitin 2026, lufta për të ardhmen e të drejtave të njeriut do të jetë më ashpër në SHBA, me pasoja për pjesën tjetër të botës", tha ai. "Ne shohim një lloj mjedisi shumë armiqësor në SHBA dhe një rënie shumë të shpejtë të cilësisë së demokracisë në këtë vend", shtoi ai.