Presidenti i sapozgjedhur i SHBA-së, Donald Trump po planifikon të "ribëjë botën" kur të riemërohet në Shtëpinë e Bardhë më 20 janar, tha të enjten ish-presidenti rus Dmitry Medvedev. Ky i fundit, në një postim në telegram, vlerësoi disa premtime që Trump ka bërë para inaugurimit, duke përfshirë atë se do t’i jepte fund luftës në ukrainë brenda 24 orësh. Komentet nga Medvedev, i cili është nënkryetar i Këshillit të Sigurimit të Rusisë, vijnë disa ditë përpara kthimit të Trump në Shtëpinë e Bardhë. Medvedev është një aleat i ngushtë i Presidentit Vladimir Putin dhe pikëpamjet e tij shpesh përputhen me ato të liderit rus. Medvedev u ndal tek një sërë çështjesh të ngritura nga Trump përpara mandatit të tij të dytë në detyrë, duke përfshirë fundin e luftës si edhe marrjen nën kontroll të Grenlandës. Ai i quajti ide të tilla një "gjeografi politike Trumpiane", që janë joreale. “Nuk e di se çfarë do të jetë në gjendje të bëjë Trump gjatë mandatit të tij të dytë, por ai po e nis në një mënyrë interesante. Llogaritë janë të qarta: suksesi i shpejtë në zgjidhjen e konfliktit ukrainas është shumë i diskutueshëm ndërkohë që ekonomia amerikane është në kursin e saj dhe lufta kundër emigrantëve nuk premton ndonjë fitore të madhe...Ndaj ai thjeshtë vendos të ribëjë botën. Ai do të krijojë një gjeografi të re politike Trumpiane. Një glob i ri, i ndritshëm dhe shumëngjyrësh, shumë i ndryshëm nga ai aktuali i mërzitshëm dhe gri. Por të gjitha këto ide janë thjesht ëndrra dhe janë absolutisht joreale", shkruan Medvedev.