Në juglindje të vendit vijojnë operacionet e policisë për të ndaluar grupet, të cilat transportojnë emigrantë të paligjshëm që futen në territorin shqiptar. Policia e Korçës njofton se kanë vënë në pranga 4 persona pasi transportonin ishin duke transportuar 6 shtetas të huaj. Në Pogradec, në vijim të operacionit policor të koduar "Perimetri", është goditur një tjetër rast i aktivitetit kriminal në fushën e dhënies ndihmë shtetasve të huaj për kalim të paligjshëm të kufirit kundrejt shpërblimit, si rezultat i të cilit u bë kapja dhe arrestimi në flagrancë i 4 shtetasve. Këta persona janë kapur nga shërbimet e policisë në aksin rrugor Pogradec-Librazhd, në afërsi të fshatit Dardhas. Dy prej të arrestuarve drejtonin mjetet pa leje drejtimi. Policia, nisur nga shumë raste të trafikut ka shtuar patrullimet në akset rrugore nacionale nga Korca në Elbasan. Madje, përvec forcave policore me uniform, ekipe civile janë në vëzhgim dhe patrullim të vazhdueshëm. Sakaq, Policia ka përpilon edhe një listë të personave me precedentë penalë në këtë aktivitet kriminal për të shtuar vëmendjen ndaj tyre, por edhe mbajtjen nën vëzhgim që nga inspektorët e zonave e deri te patrullat që operojnë në akset nacionale.