Policia ka goditur një rast të transportimit të paligjshëm të emigrantëve në Gjirokastër. Në prangat e policisë kanë rënë dy persona dhe një tjetër është shpallur në kërkim. Ky i fundit dyshohet se kontrollonte rrugën për të sinjalizuar dy autorët e tjerë për prezencën e Policisë. Bëhet me dije se këto tre persona kanë bashkëpunuar për transportimin kundrejt pagesave, të 8 emigrantëve nga India. Policia ka sekuestruar 3 automjete tipe “Benz” dhe “Audi”, të përdorura për këtë veprimtari të jahshtëligjshme, si dhe 2 celularë. Sipas dinamikës së ngjarjes 3 automjeteve që drejtonin këta shtetas iu është bërë shenjë për të ndaluar, në aksin rrugor “Tepelenë-Krahës”. Drejtuesit nuk i janë bindur urdhrit por kanë vijuar me shpejtësi lëvizjen. Menjëherë, shërbimet e Policisë iu janë vënë në ndjekje dhe si rezultat është bërë e mundur kapja e dy autorëve.