Arrestimi i Julian Mandijas disa pak javë më parë si i shpallur në kërkim për trafikim të lëndëve narkotike, ka nxjerrë në pah një skandal të madh. Për 42 vjecarin, i cili u arrestua në Itali dhe Gjykata i vendosi masën e sigurisë 7 vite e 4 muaj burg, mesa duket jeta për të ka vazhduar normalisht. Mandija u arrestua në një lagje të Durrësit teksa po shkonte në punë. Nga kërkimet dhe verifikimet e bëra rezutoi se ia punonte si doganier në portin e Durrësit, në sektorin e kontrollit të importeve. Ndonëse shteti italian e kishte shpallur në kërkim ndërkombëtar si një nga bosët më të mëdhenj të trafikut të drogës me Shqipërisë dhe Italisë, 42 vjecari gjatë kësaj kohe ka jetuar I lirë. 42-vjeçari u arrestua në Itali në vitin 2014 gjatë një operacioni ku iu gjetën 15 kg heroine, 15 mijë euro, 5 telefona celularë, tre automjete. Së bashku me të, iu vunë prangat edhe anëtarve të tjerë të grupit, Sergio Morelli, Orges Abazaj, Klodian Gjuzi, si dhe Endri Peza. Mandija është ekstraduar drejt shtetit italian. Mediat e huaja shkruajnë se ai mbërriti i shoqëruar nga Interpol dhe tashmë ndodhet në një burg në Lazio.