Policia e Vlorës ka arrestuar një 47-vjeçar, i cili ishte shpallur në kërkim ndërkombëtar, pasi një gjykatë në Itali e ka dënuar më 7 vjet burg për trafik droge. Sipas policisë në pranga është vënë shtetasi Gazmir Mehmetaj 47 vjeç lindur në Selenicë dhe banues në Vlorë. “Në vijim të punës për kapjen e personave të shpallur në kërkim kombëtar e ndërkombëtar, strukturat e Drejtorisë Vendore të Policisë Vlorë, si rezultat i shkëmbimit të vazhdueshëm të informacioneve me Interpol Tirana dhe Departamentin e Policisë Kriminale, bënë të mundur lokalizimin në Vlorë dhe arrestimin provizor I 47 vjecarit, behe e ditur ne njoftimin e policise. Mehmetaj ishte shpallur në kërkim ndërkombëtar nga autoritetet policore italiane, pasi Gjykata e Catalia-s, Itali, e ka dënuar me 7 vjet burg, për veprën penale “Trafikimi i lëndëve narkotike”. Interpol Tirana, në bashkëpunim me Interpol Romën, vijon procedurat për ekstradimin e tij drejt Italisë