Nëntëmbëdhjetë persona mbetën të vdekur dhe 32 të tjerë u plagosën pasi një autobus që po transportonte pelegrinë në një vend fetar në Meksikën qendrore u rrëzua të premten. Zyrtarët e shtetit thanë se autobusi nuk mundit të frenojë dot dhe u përplas në një ndërtesë në shtetin e Meksikës. Gjashtë nga viktimat pësuan lëndime aq të rënda sa u dërguan në një spital në kryeqytet. Ricardo de la Cruz, ndihmës sekretari i brendshëm i shtetit, tha se aksidenti ndodhi në një qytezë, në jugperëndim të Meksiës. Autobusi po shkonte nga shteti perëndimor i Michoacan për në Chalma, një qytet që është vizituar nga pelegrinët katolikë romakë për shekuj. Deri më tani nuk ka të dhëna për gjendjen e pasagjerëve të lënduar. Të paktën 10 ambulanca shkuan në zonën e aksidentit për të ndihmuar të plagosurit. Shumë meksikanë shkojnë në pelegrinazhe fetare ndërsa afrohet 12 dhjetori, dita e Virgjëreshës së Guadalupes. Për shkak se ata shpesh ecin ose me biçikletë në rrugë të ngushta ose udhëtojnë me autobusë të vjetëruar, aksidentet nuk janë të rralla.