Qeveria amerikane po përpiqet të ndalojë një mision të planifikuar për të mbajtur nën mbikëqyrje objektet me interes historik nga Titaniku i fundosur. Sipas ligjit federal dhe një marrëveshjeje ndërkombëtare rrënojat konsiderohen si “varr i shenjtë”. Ekspedita organizohet nga RMS Titanic, e cila zotëron të drejtat e kërkimit për anijen më të famshme në botë. Sipas Associated Press, kompania po ekspozon sende të gjetura nga vendi i mbytjes në fund të Atlantikut të Veriut. Sfida e qeverisë vjen më shumë se dy muaj pasi nëndetësja Titan u shkatërrua pranë anijes oqeanike të fundosur, duke vrarë pesë njerëz. Por kjo mosmarrëveshje ligjore nuk ka të bëjë fare me tragjedinë e qershorit. SHBA pretendon se misioni shkel një ligj federal dhe një marrëveshje me Britaninë e Madhe për të menaxhuar rrënojat si një përkujtim për njerëzit që vdiqën. RMS gjithashtu deklaroi se mund të rikuperojë objekte nga brenda rrënojave, edhe pse për momentin, kompania nuk planifikon të hapë rrënojat apo të shkëpusë ndonjë pjesë të saj. Megjithatë, RMS Titanic ka thënë se nuk ka ndërmend të kërkojë leje. Avokatët e qeverisë amerikane kanë thënë se kompania nuk mund të vazhdojë pa lejen, duke argumentuar se RMST ka nevojë për miratim nga Sekretari i Tregtisë i SHBA Pamjet: AFP