Tokjo, shfrytëzoi ndjenjën globale anti-Rusi, për të njoftuar se ishujt Kuril, të kontrolluar nga Kremlini, i përkasin Japonisë. Fumio Kishida, kryeministri japonez, tha se ishujt Kuril, janë një pjesë sovrane e vendit të tij dhe jo pjesë e Rusisë, e cila e kontrollon në fakt grupin e ishujve që nga 1945. Duke folur më herët këtë javë, kishida i tha ligjvënësve se ishujt Kuril, janë territore origjinale të japonisë. Ishujt, kanë qenë pikë përplasjesh mes Japonisë dhe Rusisë prej dekadash. Moska ka marrë kontrollin e ishujve pas Luftës së Dytë Botërore në 1945. Vitet e fundit, qeveria japoneze ka hezituar të flasë për ishujt në mënyrë që të evitojë acarimin e qeverisë ruse. Sidoqoftë, pas shpërthimit të ndjenjave anti-rusi, në të gjithë botën, pas pushtimit të Ukrainës, qeveria japoneze ka përsëritur pretendimin e saj historik mbi ishujt.