Për të dytën ditë radhazi nuk është shënuar asnjë humbje jete nga infektimi me Covid-19. Panorama epidemiologjike duket më e stabilizuar, ku sipas ministrisë së shëndetësisë një rol kyç luajnë vakinat antiCovid të cilat reduktojnë mundësinë e infektimit dhe shmangin në shkallë të lartë hospitalizimet dhe fatalitetet. Bilanci ditor i ministrisë së shëndetësisë tregon se në harkun kohor të 24 orëve të fundit u kryern më shumë se 1 mijë testime, nga të cilat rezultuan pozitivë me COVID19, 93 qytetarë. Kryeqyteti vijon të ketë numrin më të lartë të të infektuarve, për t’u ndjekur nga Saranda, Shkodra dhe Durrësi. Në total janë 461 pacientë aktivë me koronavirus në të gjithë vendin, gjysma e të cilëve jetojnë në Tiranë. Aktualisht në spitalin COVID 3 po marrin trajtim 19 pacientë, nga të cilët 3 janë në gjendje më të rënduar, teksa Në 24 orët e fundit nuk ka asnjë humbje jete me SARS-COV2.