Tirana prej muajsh po punon për të pritur sa më mirë finalen e Conference League, kompeticionit më të ri të UEFAm në 25 maj. Nga të gjithë e mërkura do të jetë një ditë feste sidomos për shqiptarët që për herë të parë do të kenë mundësi të ndjekin nga afër një eveniment të përmasave të tilla. Kryeministri Edi Rama në një intervistë për të përditshmen italiane 'Corriere Dello Sport' ka treguar emocionet e tij me kreun e qeverisë shqiptare që nuk e ka fshehur kurrë se është një tifoz i futbollit italian. Për Ramën, kjo finale është një rast i shkëlqyer për Shqipërinë që të shfaqë imazhin më të mirë të saj në sytë e botës