Tirana e kaloi lehtë pengesën Teuta në Abissnet Superiore në javën e 23 të saj. Në Elbasan Arena, bardheblutë iu imponuan kampionëve në fuqi të vendit, me rezultatin 2-0 duke shtuar problemet te skuadra durrsake në këtë sezon. njeriu i ndeshjes për Tiranën u bë Taulant Seferi që është golashënuesi më i mirë i kampionati me 14 gola deri tani. Sulmuesi i kryeqytetasve ishte autori i të dy golave për Tiranën në këtë ndeshje me Teutën. Golin e parë, Seferi e shënoi në minutën e 17 teksa përfitoi edhe nga një gabim i portierit të Teutës, Dema me këtë të funfdit që nuk arriti të ndalë sic duhej një gjuajtje të Seferit duke bërë që topi të shkojë në rrjetë. Në pjesën e dytë Teuta pati një shans shënimi me Lorenco Vilan por pa sukses, ndërsa në anën tjetër tirana shënoi edhe golin e dytë që vulosi edhe fitoren e saj 2-0 me Seferin pas një assisti të Devid De Silvas me bardheblutë që tani duken të qetë në krye të klasifikimit e sidomos në prag të derbit me Partizanin.